Aftandil Hacıyevin “Səbail”də 100-cü oyunu
“Səbail” Aftandil Hacıyevin rəhbərliyi altında 100-cü çempionat matçını keçirib.
Msport.az PFL-in saytına istinadən xəbər verir ki, bu yubiley Premyer Liqanın 24-cü turuna təsadüf edib. “Neftçi” ilə ev matçı Hacıyev üçün 100-cü sınaq olub.
2018-ci ilin yayından “Səbail”i çalışdıran mütəxəssisin yetirmələri 4 mövsüm ərzində 26 qələbə qazanıb. Komanda Hacıyevin rəhbərliyi altında 21 heç-heçə edib və 53 dəfə uduzub.
Qeyd edək ki, bu matçda “Səbail” 0:1 hesabı ilə uduzub.
