“Böyük Dəbilqə”də iki bürünc medal
Gürcüstanın paytaxtı Tbilisidə keçirilən “Böyük Dəbilqə” turnirində Azərbaycanın sonuncu cüdoçusu mübarizəyə qoşulub.
Msport.az xəbər verir ki, yarışın üçüncü – sonuncu günündə 90 kiloqram çəki dərəcəsində çıxış edən Murad Fətiyev tatami üzərinə çıxıb. 23 yaşlı idmançı yarışa 1/16 finaldan start verib. Qazaxıstanlı Adlet Missinlə üz-üzə gələn Fətiyev rəqibinə “ippon” xalı ilə uduzaraq mübarizəni dayandırıb.
Beləliklə, Azərbaycan millisi yarışı iki medalla başa vurub. Xatırladaq ki, Turan Bayramov (60 kq) və Elcan Hacıyev (81 kq) bürünc medal qazanıblar.
