"Bursaspor" qalib gəldi - Namikdən daha bir assist
Türkiyə I Liqasında 31-ci turun oyunları keçirilir.
Msport.az xəbər verir ki, millimizin üzvü Namik Ələskərovun çıxış etdiyi “Bursaspor” doğma divarlar arasında “Kocaelispor”u məğlub edib – 2:1.
Start heyətində meydana çıxan 27 yaşlı futbolçu 63-cü dəqiqədə qələbə qolunun ötürməsini verib. Ələskərov 88-ci dəqiqədə Juan Pedro ilə əvəzlənib.
Bu qələbədən sonra xallarını 31-ə çatdıran “Bursaspor” 19 komanda arasında 18-ci pillədə qərarlaşıb.
