Mahir Emreli "Qarabağ"la "Dinamo"nu müqayisə edib
“Zaqreb “Dinamo”su mənə “Qarabağ”ı xatırladır. Azərbaycan Premyer Liqasında da bütün klublar Ağdam komandasına qarşı müdafiədən oynayırlar. Xorvatiyada “Dinamo”nun oyunlarında da belə olur”.
Msport.az xəbər verir ki, bunu millimizin və “Dinamo”nun hücumçusu Mahir Emreli deyib:
“Rəqiblər daha çox öz qapılarının toxunulmazlığı barədə düşünürlər deyə müdafiə xəttini yarmaq çətin olur. “Dinamo”nun heç böyük hesaablı, darmadağınla bitən qələbələrini xatırlamıram. Ən çox 3 top fərqi ilə qələbə qazanmışıq. Ümumiyyətlə, Xorvatiya liqası maraqlı çempionatdır. Səfər oyunlarımızda da yaxşı atmosfer olur. Xorvatiya liqasında oynamaq maraqlıdır. (CBC Sport).
