"Mən yenə qayıtdım" - Xayme Romero
“Qarabağ”ın futbolçusu Xayme Romero 225 günlük fasilədən sonra yaşıl meydanlara qayıdışı ilə bağlı paylaşım edib.
Msport.az xəbər verir ki, ispaniyalı futbolçu “İnstaqram”da bununla bağlı belə yazıb: “Bu fotonun arxasında 7 aylıq zəhmət və əziyyət dayanıb. Bunu yenə etdim, yenə qayıtdım”.
Qeyd edək ki, Xayme ötən ilin sentyabrında, Konfrans Liqasının 1-ci turunun “Bazel”lə Bakıdakı görüşdə zədələnmişdi. O, Azərbaycan kubokunun yarımfinalında aprelin 29-u keçirilən “Qəbələ” ilə cavab matçında (5:0) 2-ci hissədə oyuna daxil olmuşdu.