"Qəbələ"nin futbolçusu bu klubun diqqət mərkəzində
“Qəbələ”nin futbolçusu Omar Hani karyerasını İndoneziyada davam etdirə bilər.
Msport.az “sultra.tribunnews.com” saytına istinadən xəbər verir ki, “Persiya Cakarta” 22 yaşlı yarımümdafiəçi ilə maraqlanır. Liqa 1 təmsilçisinə yeni baş məşqçi təyin olanan Tomas Doll komandanın heyətini yeni legionerlərlə gücləndirmək istəyir. Onların arasında İordaniya millisinin üzvü Omar Hani də var. Onun Rohit Çanı əvəzləyə biləcəyi vurğulanıb.
Omar Hani Thomas Doll üçün yeni oyunçu deyil. Onlar 2018-2019-cu il mövsümündə Kipr APOEL (Nikosiya) klubunda birlikdə çalışıblar.
Haninin “Qəbələ” ilə müqaviləsi iyunda başa çatır. O, klubla müqaviləni yeniləməsə, “Persiya Cakarta” oyunçunu pulsuz ala bilər.
İordaniyalı futbolçu cari mövsümdə Azərbaycan Premyer Liqasında 18 oyunda 1 qol vurub.
