“Qəbələ”nin sabiq baş məşqçisi Yunanıstan klubunda
“Qəbələ”nin əvəzedici komandasının sabiq baş məşqçisi Darill Villard Yunanıstanın “Episkopi” klubunu çalışdıracaq.
Msport.az xəbər verir ki, ingiltərəli mütəxəssis tvitter hesabında bu barədə paylaşım edib. 39 yaşlı mütəxəssislə 1 illik müqavilə imzalanıb. O, yeni vəzifəsində Yasminko Veliçi əvəzləyib.
Qeyd edək ki, Daril Villard 2010 – 2012-ci illərdə “Qəbələ”yə rəhbərlik edib. Kollektiv onun rəhbərliyi altında əvəzedicilərin çempionatında bürünc və gümüş medallara sahib çıxıb