"Yenidən avrokubok uğrunda mübarizəni davam etdirmək vacibdir" - Utziq
“Yenidən qalib gəlmək və avrokubok uğrunda mübarizəni davam etdirmək vacibdir”.
Msport.az xəbər verir ki, bunu “Qəbələ”nin braziliyalı futbolçusu Rafael Utziq “Zirə”yə 3:0 hesabı ilə qalib gəldikləri oyun barədə “Terra” nəşrinə açıqlamasında deyib.
Qarşılaşmada ikinci qolu vuran 26 yaşlı hücumçu UEFA Konfrans Liqasına vəsiqə qazanmaq istədiklərini bildirib:
“Bu, komandam üçün önəmli qol idi. Artıq bütün diqqətimizi son 3 qarşılaşmaya yönəltmişik”.
Qeyd edək ki, “Qəbələ” 38 xalla 4-cü pillədə qərarlaşıb. Komanda növbəti 3 matçını “Neftçi”, “Şamaxı” və “Sabah”a qarşı keçirəcək.
