Fiziyevin ilk açıqlamaları: "İndi biz UFC-də ən yaxşı Rafaelin kim olduğunu dəqiq bilirik"
İlk dəfə Azərbaycan bayrağı altında döyüş keçirən Rafael Fiziyev UFC-də braziliyalı Rafael dus Anyusa qalib gəldiyi görüşdən sonra fikirlərini bölüşüb.
Msport.az xəbər verir ki, idmançı sonda “Yaşasın Azərbaycan!” ifadəsini işlədib:
“İndi biz UFC-də ən yaxşı Rafaelin kim olduğunu dəqiq bilirik”.
O, daha sonrq zarafatla deyib: “İdmanda isə kimin yaxşı olduğunu öytənmək üçün Rafael Nadala çağırış edirəm”.
Fiziyev ABŞ təmsilçisi Castin Geyci ilə döyüşmək niyyətində olduğunu da bildirib: “Geyci, başqa sarışınla üz-üzə gəlmək istəyirsənsə, aramızda kimin ən yaxşı olduğunu öyrənək. Bu, hər ikimiz üçün yaxşı mübarizədir. Hazırsansa, qorxmursansa və boş-boş danışmayacaqsansa, getdik. Yaşasın Azərbaycan!”
Xatırladaq ki, Fiziyev “UFC Vegas 58” turnirinin sonuncu – 5-ci raundunda Anyusu nokauta salıb. Bu, onun UFC-də ardıcıl 6-cı qələbəsi olub.
